De Kast - Wyn Yn De Seilen

Yn it iepen fjild rûn ik oan dyn hân
Neist dy grutte man, as twa krigers troch it lân
Yn de fierte de stêd, der'tsto alles diest
Dyn ferhaal dat ik nea ferjit

Heit, do stiest altyd klear foar my
Stjoerdest soms even by
Mar do lietst my frij
Wêrtroch't 'k wyn yn 'e seilen krij

Myn earste fyts, do rûnst neist my op 'e dyk
Ik wist noch fan neat, mar as ik falle soe wiesto dêr
Myn earste rapport yn dy nije klas
Dêr't ik krekt as dy grutsk op wie Heit, do stiest altyd klear foar my
Stjoerdest soms even by
Mar do lietst my frij
Wêrtroch't 'k wyn yn 'e seilen krij

Do bliuwst de held, oan myn eintiid ta
Krig' fan dy wat ik nedich ha

Heit, do stiest altyd klear foar my
Stjoerdest soms even by
Mar do lietst my frij
Wêrtroch't 'k wyn yn de seilen krij
Do stiest altyd klear foar my
Stjoerdest soms even by
Mar do lietst my frij
Wêrtroch't 'k wyn yn 'e seilen kry