't Hof Van Commerce - Kom Mor Ip

‘t Hof van Commerce
‘t Hof van Commerce
..........

1 Mississippi, 2 Mississippi, 3
De leverancier zorgt voor de party
Bier zonder alcohol, da vindje ier nie
Moa wel nen oop wuvjes in monokini
Fine vljiswoarn of charcuterie
Heel de nacht deure
Ke een volle batterie
Een zoale en volk en een disk-jockey
Niemand minder dan oeznen eigen 40

Sloa mor up de belle
De match e gedoan
‘t E ier nen MC ut d’ ‘elle
Ge kost et al roaden
Te were tied, ‘t loatste uur e gesloan
Het verdict van God e mysterieuze boanen

Der moeten wa gasten up under plekke gezet
W’en weg gewist, ‘t publiek et ‘t lastig ge’ed
Moa we maken retour en te were vet
Up volume drie, eij, ge zie gered

REFREIN
Na na na naah, na na na nah
Buzze e gereed
Kom mor ip
Na na na naah, na na na nah
Kowlier e gereed
En ‘t zit erip

Gedoan me controverse
me dak ut miene
‘t Hof van Commerce e nie tbeste
‘t Hof van Commerce es alliene
Z’ en der twoa van geba’en
In oes afwezigheid
Nu komt den oap ut de mouwe
Wuk omme gezeid
Wien es ter nummer 1
Nummer 1 van de scene
Zelfs de sterren van ‘t veld
goan de competitie mien (=mijden)
Beste rivalen,
De kust e nie kloar
Go je moaten goan ‘alen
Of ge zie me jen oar

Eij, eij, vee te veel bier ik moete pissen
Sorry wuvje, moa ge goa mie moeten missen
‘t WC of na butten, ik moe beslissen
Goe peizen nu, mie nie vergissen
Da strukske oan den overkant
Da zie kik zitten
‘t E veel gemakkelijker
Ge moe nie mikken
‘t Volk op de stroate zegt
“Kiek noa dien dikken”
Want onder die struke ligt er een te pitten

Eij DJ, mok moar dat buust, mok moar dat buust
‘t Volume up duust.
Eij DJ, mok moar dat buust, mok moar dat buust
‘k Wil tvoelen in m’n kloten

REFREIN

Geboren in Izzegem, woonachtig in Gent
‘k E gasten utgelachen
‘k E vrouwen verwend
Pak genoegen me mie
Johnny Depp e nie vrie
‘k E gelezen in de Story
jes in gank me Vanessa Paradis
Ti woa, tot doar die fantasie
En ‘k ging et eur vergeven, van ‘Joe, le taxi’
Want ‘k ben ne grote mens
Ik e zakken begrip
Toog mie jen erte en ik terte derup

Eij DJ, ....