't Hof Van Commerce - Kinders In Bedde

Ik doe niemand zyn voorprogramma
'k ben gin cyfer achter de komma
ik ben de main event
insinuaties van 't tegengestelde doe my deur 't lint
't giet out rint
en 't búst out woait
en 't brand out loait
en de rolln zyn niet ommegedroaid
en de goudne ducoatn
zyn nog oltyd in 't bezit van de piroat
tis zynne stempel die der ip stoat
tis zynnen eigen koers dat ie voart
ik pakke de binnenoane
woa dat er ginne geweun kan goane
ik bouwn grodder dan de moane
niet te verlegn me nen efboom dus zy mor oenderdoanig
'k è nie misstoan
en g' goa gin sancties moetn oendergoan
'k skytte in dyk
oej my geloavig verkondigt langs de boann
kgoa u doopn in de Mandel
en 'k steke u in blanke slavinnenhandel
en oak er gin geld út sloa is't ne regelrechte scandel
toen mo ne bedevoart
noa Tierra del Fuego
of de fabrieke van de Lego
'k zout nog overwego
of dak et echt goa doen
volt te betwistn
mo dat is myn eign zoake
ge moet u nie vergisn

ik scryve ip de laptop
kben ne godverdomske kletskop
k è myn e-mails ol beantwoord
en nu is't tyd voe de hip-hop
't kind moe ne noame èn
ik moet ne noame vinn
't è moeilyk in't begin
et middn zit er tussenin
je dag is logica
zeker is't ezoa chica
is da deine schwester gjilegangs in fritsutmofrica
't is ier nie van belang
'k oude my wel in bedwang
'k wilde't geweune weetn
normoal ben'k nie curieus

stikt je kinders in bedde
scúft de toafel an de kant
olt de floske mo boovn
en de gloazn noavenant

stikt de kinders in bedde
scúft de toafel an de kant
olt de floske mo boovn
en de gloazn noavenant

5-0
10-0
20-0
't i nie te telln
't is te loate voe noa 't gokkantoor te belln
ge moe ginne humo bestelln
met drie tout zestig delln
vanachter de vitrine
ik weet het hjil goed zynne
voa da ze d'uwwe was, was ze de mynne
wuk peis je, 't kan nie zynne
mo ze was myn koeketynne
nu is ze 't nieuws van gistern
ik wist et mo 'k weet et nie mjee
'k è nie gemist
of maximum ne kjee of twjee
en da volt te betwistn
van normaliter
ben 'k ik onfeilboar
en 't kan nie missn
ik ben onteilboar
niet te verdeeln
ol myn stikkn zyn nog hjeel
ze zyn niet ipgedjeeld
in verschillnde percjeeln
't doe zjeer
ge kun nie mjeer
ge zyt een bitje tjeer
g'èt u lesse nie geljeerd
en temjeer
nen ouden ound goaj gin kunstjes ljeern
g' goa ne geloavign nie bejeern
wok ol glooft ie onnozelheedn
dus wuk zou je?
ge kut beter u moeite
investeern in e twod anders
dan bútnstoanders
capitings van de canapé
stekeblind lik Gilbert Montagné
en minne briket is galvanizé

de zomer was zoa triestig
en de winter i nie beter
mo de lente bringt verlossinge
me kombier in de nete
g' è wok nog Busse Busse en nen DJ zy mo zeker
olles voe te rymn doet de groetn an u meter
't stoat ollomaole in relatie
'k ben de nieuwe rap sensatie
eigenlyk nie zoa hjeel nieuw
kè gebrek an inspiratie
penetratie
populatie
fournicatie
in de statie
hjeel de natie
is ol ip de hoogte van myn reputatie stikt je kinders in bedde
scúft de toafel an de kant
olt de floske mo boovn
en de gloazn noavenant

stikt je kinders in bedde
scúft de toafel an de kant
olt de floske mo boovn
en de gloazn noavenant

ow

stikt je kinders in bedde
olt de floske mo boovn

wyder zyn die perverse
van 't hof van commerce
ol de ketters ip de stoapel
hupla luciferse
lik in de middeleeuwn
goa we ze smytn voe de leeuwn
en 't gjeene dat er over blúft
da voern we an de meeuwn
gy noemt da onminselyk
mo ik noeme da vindingryk
ik vinne da belangeryk
in ús eigen keuninkryk
'k oore myn eign nie peizn
'k oore myn eign nie zingn
'k goa boovn mezelvn reizn
ip ooger niveau springn

stikt je kinders in bedde
scúft de toafel an de kant
olt de floske mo boovn
en de gloazn noavenant

stikt je kinders in bedde
scúft de toafel an de kant
olt de floske mo boovn
en de gloazn noavenant