Normaal - Wat Mooi

Ik zie een deerntjen op een fiets , wat mooi wat mooi
d`r steet wat wind zie slakkert iets, wat mooi wat mooi
zie zet de fietse tegen een boom en zie lacht noar mien
in `t lange gres lig zie doar loom wat prachtig um te zien

iets wieter he`k mien motor stoan , wat mooi wat mooi
ik zeg zø`w een endjen ri-jen goan , wat mooi wat mooi
ri-jen deur de achterhoek wat vin i-j doar van
as ik deur de zandweg stoek dan doe`w`t kallem an

dit kan toch hoast gin toeval weazen
da`w mekaar hier treft
dat is `t ok bepoald niet
moar ik hop da`j `t niet besef
mien olde B.S.A.
die wacht geduldig hoe of `t geet
zien buddy seat trilt van verlangen
tut zie zitten geet

ik wet een pleatsken oh, zo stil , wat mooi wat mooi
doar vin ik alles wat ik wil , wat mooi wat mooi
umdat doar zelden mensen komt die de rust verstoort
zolang `t niet ontdekt wurt hef de natuur `t letste woord

dit kan toch hoast gin toeval weazen
da`w mekaar hier treft
dat is `t ok bepoald niet
moar ik hop da`j `t niet besef
mien olde B.S.A.
die wacht geduldig hoe of `t geet
zien buddy seat trilt van verlangen
tut zie zitten geet

wi-j bunt nog vaak doar terruggegoan , wat mooi wat mooi
en `t zelfde spelletje weer gedoan , wat mooi wat mooi
veur mien vrøwkes bipsjen is plaats op de buddy seat
alleen mien zeuven blagen word ik in `t ziespan kwiet

dit kan toch hoast gin toeval weazen
da`w mekaar hier treft
dat is `t ok bepoald niet
moar ik hop da`j `t niet besef
mien olde B.S.A.
die wacht geduldig hoe of `t geet
zien buddy seat trilt van verlangen
tut zie zitten geet