Neet oet Lottum - Goojemorge maedje

Goojemorge maedje, hesse lekker geslaope
De zôn is al wakker, de raam steit al aope
Hesse koppien messchien
Van dae lekkere wien
Of is 't gelök nao diene kop toe gesteege?

We kinne alles, waat we waal 's,
hebbe wille doon gaon doon vandaag
We kinne euveral haer, met idderein mei,
De wereld blief van ôs vandaag
Goojemorge maedje Goojemorge maedje, koffie, bruúdjes en eier
Heej is d'n handdook, heej zien dien kleier
En dan zeen we daonao waal
Waat of we doon gaon en wao
We de res van ôs laevesdaag gaon sliéte

We kinne alles, waat we waal 's,
hebbe wille doon gaon doon vandaag
We kinne euveral haer, met idderein mei,
De wereld blief van ôs vandaag
Goojemorge maedje

Maar 't raegent, en al raegent 't nog maar net
D'n daag is gezaegend
We blieve thoés, gaon truuk nao bed