Daniël Lohues - Niks Mooiers As Dat

Niet veul mooier as zwemmen op joen elfde
In 'n zandgat met het allermooiste weer
Ma zit an de kaante met 'n thermosflesse ranja
En pa pompt ons de boot op veur de vierde keer

Niks mooiers as dat
Niks mooiers as dat
Ik wol dat ik dat toen weten had
Der is niet veul mooier as dat

Ja op joen 22e in 'n auto onderweg
Met joen allerbeste beste kameraoden
Zomerdag, ramen lös, peuken op de lippen
Bruce is op de radio, alles klaor

Niks mooiers as dat
Niks mooiers as dat
Ik wol dat ik dat toen weten had
Der is niet veul mooiers as dat Ja, op joen 33e weer 's vrijgezel
Allennig met 'n glimlach veur 't vuur
Eten en drinken wat joezölf 't meeste anstiet
Poster van joen jeugdheld an de muur

Niks mooiers as dat
Niks mooiers as dat
Ik wol dat ik dat toen weten had
Der is niet veul mooier as dat

D'r is niet veul mooier as op joen 48e
'n Liedtie te zingen zoas dizzen

(Hee!)
Niks mooiers as dat
Niks mooiers as dat
Ik wol dat ik dat toen weten had
Der is niet veul mooier as -
Niks mooiers as dat
Niks mooiers as dat
Ik wol dat ik dat toen weten had
Der is niet veul mooiers as dat