Bé Schmaal - Ainzoamhaid

Zo voak zitst doar mor.
Ogen dei niks zain.
Wanneer ik kiek noar dien gezicht.
Roaden woarst mit aandacht zitst.
Want ja dat wait gainain.
Tot uutleg vuilst die nait verplicht.
Zo kinst doe uren zitten te stoaren,
Wat ‘er aan scheelt blieft elk noar roaden.
As ik die zai, doe mie gain aandacht schenkst
Den wil ik waiten woarst aan denkst.

Ainzoamhaid, doe hest ’n wolke veur dien zunne.
Bliefst onbeschenen, wat is dat zunde.
Ainzoamhaid.
Dei is die voak de boas.
Wat bist allaint mit die stil verdrait,
van ainzoamhaid.

Hest dien heufd der nait bie.
Doe zegst dat heurt bie mie.
Gain ruumte in dien kop.
Bist die van niks bewust.
Zo kriegst doe noeit dien rust.
En het komt nait in die op.
Beelden bliem branden in dien heufd.
Nait kinnen stoppen wordt nait geleufd.
En holst ’t voak nait in de haand.
Zakst weg in aigen driefzaand.

Ainzoamhaid, doe hest ’n wolke veur dien zunne.
Bliefst onbeschenen, wat is dat zunde.
Ainzoamhaid.
Dei is die voak de boas.
Want bist allaint mit die stil verdrait,
Ainzoamhaid. INSTRUMENTAAL

Beelden bliem branden in dien heufd
Nait kinnen stoppen wordt nait geleufd
Loat mie die helpen tou pak mien haand
Trek die los uut dien driefzaand

Ainzoamhaid, hest ’n wolke veur dien zunne.
Bliefst onbeschenen, wat is dat zunde.
Ainzoamhaid.
Dei is die voak de boas.
Bist allaint mit die stil verdrait,
Ainzoamhaid.

Ainzoamhaid (3x)
INSTRUMENTAAL
Ainzoamhaid.