Bé Schmaal - Leste Rit

‘k heb de wekker zet en bin vroug op.
Loop noar boeten en zet de garage op de kop.
Welke fietse wordt het, wordt het crossen of wordt ’t racen.
’t is baide mooi waark mor welke mot’t wezen.

De keuze is makkelijk want de race is kapot.
De mountainbike dus, as of ’t zo wezen mot.
Ik dou mien fietskleren aan, pak telefoon en bidon.
Geef elk een smok nait denkend aan wat gebeuren kon.

Leste rit, fietsen deur ’t veld.
Leste crossuren sikkom teld.
De angst dei griept mie bie de haals ‘k der aan denk da ik nog ’n moal vaal.

Wel ik ried dorp uut op weg noar Borgerswold.
Een prachtige route woar ’n sportman groag tou hoald.
Geniet van ’t weer en de rust in de vrouge morgen.
Zit lekker op fietse en vuil mie zunder zorgen.
Wel verdorie, wat is dat.
‘k rie mit mien veurwiel zo mor in een gat.
Vlaig deur de lucht, land op schoalder glad verkeerd
Flink wat piene, binnen twei weke opereerd Leste rit, fietsen deur ’t veld.
Leste crossuren sikkom teld.
De angst dei griept mie bie de haals ‘k der aan denk da ik nog ’n moal vaal.

SOLO (INSTRUMENTAAL)

Der zit een vroage in mien kop.
Duurf ik dei fietse wel weer op.
Hou zit ’t mit skiën en met motorrieden.
Gai ik strak alle risico’s vermieden.
Aal dei angst en aal dei vroagen mott’n mie te laank blie’m ploagen.
Risico’s nemen dat heurt bie mien leven.
Mor mountainbiken, dat duurt nog wel even.

Leste rit, fietsen deur ’t veld.
Leste crossuren sikkom teld.
De angst dei griept mie bie de haals ‘k der aan denk da ik nog ’n moal vaal.