Bé Schmaal - Bezinning

Dit is nog noeit gebeurd, alles staait stil
wat aans belangriek was, telt nou nait meer.
Waarken eten sloapen en aaltied mor aanstoan
Ons roazende leven wat is het nog weerd
De natuur om ons tou komt zichtboar op oadem
want dei huil ons minsen, allaank nait meer bie
Dei gait zien gang, en moalt nait om zaikte
eem vree van de mins, of is t zo weer veurbie

Refrain:
De mins is nait boas, huilemoal gain boas
Pebaaiert te regaaiern, mor zien wil is gain wet
De mins is nait boas nee huilemoal gain boas
De natuur is dat wel dus stop t verzet Gedwongen deur t virus om aanders te leven
Is t rustig op stroade, hoast elk het nou tied
Tegen n neie draaigen, onzichtboar aanwezig
van zaikte en dood, leveren wie stried
N wraide menaaier om ons de ogen te open
zolst toch hoast denken dat de mins hier van leert
N gruiend besef van nait allaint op de wereld
Mokt t ons nederig den was het t weerd

Refrain:
De mins is nait boas, huilemoal gain boas
pebaaiert te regaaiern mor zien wil is gain wet
De mins is nait boas nee huilemoal gain boas
De natuur is dat wel dus stop t verzet.
Noa dizze tied van gedwongen bezinning
pakken wie de droad op, binnen weer vrij om te goan
De angstige wereld wordt noeit meer de olle
Wie denken vast noa over n zinvol bestoan.