Songteksten.net - Songtekst bewerken

Titel

Songtekst

De dag begunt, k heb zo gain zin.
De dag begunt, woar laid e mie hin?
Genogt te doun, moar niks wat pakt.
Te veul te doun, mien moud dij zakt.
Ik heb gain zin.

Ik stai noast berre, wat zol k goan doun?
Blode vouten noast berre, k stap in mien schounen.
Eerst es noar boeten, mit kop in wind.
Lekker noar boeten, kieken wat k doar vind.
Want ik heb gain zin.

Zo'n dag as dizze, dij heb k nait voak.
Moar nou vandoage is t echt eem roak.
Toch moar es tougeem, even n dag mit niks.
K heb echt gain zin.

K loop hier in t veld en denk wat noa.
Hier in de roemte, bin der bienoa.
Krieg ik mien rust, of wil t nog nait?
Mien kop lopt om, t gait zoast gait.
En nog gain zin.

Op rogge in t gras, kiek noar de locht.
Dizze looie morn, zulf nait bedocht
Kont gruin van t gras, rogge nat van daauw
Kroep weer omhoog, stekt nait zo naauw.
Hailemoal gain zin.

Zo'n dag as dizze, dij heb k nait voak.
Moar nou vandoage is t echt eem roak.
Toch moar es tougeem, even n dag mit niks.
K heb nou gain zin.

Ik draai mie om en loop noar huus.
Toch moar weerom, doar is mien thuus.
De dag is verloren, krieg niks meer kloar.
Morn weer van nijs, toch vuilt t wel roar.
Nog aal gain zin.

Zo'n dag as dizze, dij heb k nait voak.
Moar nou vandoage is t echt eem roak.
Toch moar es tougeem, even n dag mit niks.
Ha'k moar weer zin.

Artiest(en)