Rowwen Heze - Krokodillelearelaarze

Ik loep heer al godsgruwelijk lang
dor de stroate van de stad
op krokodillelearelaarze
ik heb d'r al zoveul gehad
ze ligge binne, boete, boave
onder de taffel, op de mat

't keumt dor die films van vroeger
woarin Clint Eastwood altied leep
de leare boks oaver de laarze
en ?s oaves bij 't kampveur sleep
ik zaag 't allemoal gebeure
't waas toen dat ik begreep

dat ik ok cowboj wilde weare
't zelfde hoar, dezelfde blik
prairies, wolve en geweare
langs ravijnen zonder schrik
langs honderd valse indianen
mien perd, de volle moan en ik op alde laarze, afgeschreve
loep ik heer nog altied rond
't geveul dat is gebleve
nog steeds de smaak in mienne mond
dor de wind vurroet gedreve
op zoek nar verse weidegrond

deze lente koep ik nijje
ok al leet mien kamer vol
de mieste hebbe veul gelijje
mar ik bewaar ze allemoal
met schuune hakke, stompe spitse
of met 'n punt van blinkend stoal

krokodillelearelaarze
oaver de oetgeslete stien
ze blieve bij meej
vur altied en ieuwig, ik bewaar ze
vur altied onder an mien bien

krokodillelearelaarze
ik draag ze onder mien veur
vur altied en ieuwig, ik bewaar ze
ok als niemand dat nog deut